ég er komin með nýtt blogg, slóðin þangað er gudnydrifa.blog.is. Endilega tékkið áþví og kvittið svo

Guðný Drífa kveður hér, endanlega!

...eg er orðin hundleið á þessu hér og er farin hingað! Þessi síða virkar bara stundum, ég er td að setja þessa færslu inn í 4 tilraun, vonandi birtist hún!

Guðný Drífa kveður, svo mörg voru þau orð!

...frumburðurinn er 6 ára í dag, 6 ára gott fólk!!!

Guðný Drífa kveður, við það að gefast upp á þessu bloggi...

Tölvan er komin aftur í hús eftir 4 vikna fjarveru. Það tók sumsé verkstæðiskallana hjá BT ekki nema 4 vikur að finna það út að ég þyrfti bara nýjan straumbreyti, gott hjá þeim!

Ég á afmæli á morgun og þar sem ég hef aðgang að tölvu þá mun ég kíkja hingað inn reglulega yfir daginn og sjá hverjir muna eftir mér og skilja eftir sig spor

Guðný Drífa kveður, meira seinna... 

Ég hafði hvorki leyfi til (vegna heilsu) né tíma til að fá yfir mig hreiðurgerð í endann á síðustu meðgöngu þar sem drengurinn kom fyr en áætlað var. Í gær og í fyrradag er ég því búin að taka allt í gegn hjá mér, og þá meina ég ALLT! ...nema svefnherbergin, þau verða tekin á næstu dögum... Konan er sko búin að henda 2 fullum ruslapokum útúr íbúðinni og fara með 2 poka plús einn kassa í nytjagám SORPU. Alltíeinu er pláss hér, það er pláss fyrir eitthvað í elhússkápunum mínum t.d. Ég vissi ekki að ég ætti svona gott skápapláss þar... Verst er að ég losaði mig við svo mikið að af skóm og yfirhöfnum að nú bráðvantar mig þetta tvennt! Hehehe...

Frumburðirinn er byrjaður í grunnskóla og þegar konan fylgdi honum á sinn fyrsta fund við umsjónarkennara hans var ekki laust við að henni fyndist hún ef til vill vera að verða svolítið fullorðin... Alveg þangað til hún mætti í skólann, hún er nefninlega án efa langyngsta foreldrið á svæðinu! Kannski fullorðnast hún þegar drengur 2 fer í skóla...

Guðný Drífa kveður, ef til vill að fullorðnast...

...löglega afsökuð fyrir bloggleysi. Tölvan er biluð og farin suður í viðgerð og kemur ekki aftur fyrr en eftir ca. 2 vikur. Er nún að stelast í tölvuna hans Jóns Björgvins...

...vildi bara láta vita af mér

Guðný Drífa kveður, hefur nóg að gera þegar engin er tölvan!

Ég hef alltaf elskað mína nánustu, þótt óendanlega vænt um þau og verið tilbúin til að gera allt fyrir þau. Þessa tilfinningu hef ég haft frá blautu barnsbeini og hafa þær tilfinningar beinst að fjölskyldu minni og mínum nánustu vinum.

Ég var líka alveg viss um að þegar ég myndi eignast barn þá yrði ást mín á því sterk en aldrei hefði ég getað ímyndað mér hversu sterk hún reyndist svo verða! Ég myndi gera ALLT fyrir Venna, og þá meina ég ALLT! Það er yndisleg tilfinning að þykja svo óskaplega vænt um einhvern og ekki var verra að verða svo ástfangin af yndislegum manni sem var tilbúin til að elska til baka, það er líka dásamleg tilfinning; að elska og vera elskaður.

Í dag er ég svo heppin að hafa eignast annað barn og það skrítna er að ég elska það jafn óendanlega mikið og fyrsta barnið mitt! Ef þú, lesandi góður, skilur ekki hvað ég er fara þá skal ég segja þér það nánar. Það sem ég meina er það hversu ótrúlegt mér finnst hvað ég er fær um að þykja vænt um svo marga einstaklinga, það virðist vera nóg til að væntumþykju, ást og gleði í einni manneskju! Kannski er það þetta sem kallað er móðureðlið/móðurástin, ég hefði aldrei getað trúað því hversu sterkar tilfinningar ég hef til þessara tveggja litlu einstaklinga. Hvað sem það er þá finnst mér ég gríðarlega heppin að vera svona rík, ég elska og er elskuð til baka.

Guðný Drífa kveður, full af ást!

Gestirnir mínir eru farnir og það varð nánast óþægilegt rólegt hér í dag.. Það er búið að vera yndislega gaman hjá okkur öllum saman og vona ég að þetta verði gert aftur, þ.e. að við reynum að eyða einhverjum tíma öll saman í fríi. Með Þórdísi líka að sjálfsögðu en ég saknaði hennar sárt...

Gerðum helling, átum svakalega, keyrðum fullt og brostum mikið!

Það er tímafrekt að halda úti þremur síðum en ég er búin að skrifa helstu fréttir undanfarinna daga og setja inn gommu af myndum á síður strákanna, kíkið þangað.

Guðný Drífa kveður, það er pláss hér fyrir gesti!

Ég er með fullt hús af fólki og nenni ekki að blogga, hef ýmislegt betra við tímann að gera... Henti samt inn nýjum færslum á síður strákanna...

Guðný Drífa kveður, bissýkrissý!

... en ég hef rekist á hreindýr mjög nálægt mínum garði! Og mamma mín þarf að passa sig á að elgirnir komist ekki til hennar...

Held mér yrði frekar brugðið...

Það koma svo margar spurningar í hugann við að skoða þessa frétt en þær eru allar of dónalegar til að varpa þeim fram hér!

Guðný Drífa kveður, á hugarflugi!

Ég er svoooooo oft búin að setjast niður til að skrifa eitthvað, en alltaf vaknar drengurinn á sömu stundu! Ég næ þessu einhvern tímann...

Allavega, nýjustu fréttir af okkur eru á  )">þessari síðu.  Kíkið þangað!

Guðný Drífa kveður, hefur um annað að hugsa...

Jahérna hvað drengirnir mínir eru dásamlegir!!!

Guðný Drífa kveður, hefur fátt annað að segja núna...

Jiiiiii, ég hef það svo ógisslega gott að ég nenni ekkert að blogga!

Ragnar Sölvi dafnar vel, Venni er dásamlegastur, Einar er yndislegur og ég hef það brjálæðislega gott

Var að setja inn nokkur orð og myndir á síður prinsanna minna, þið getið forvitnast um okkur þar!

Guðný Drífa kveður, allt of upptekin við að hafa það gott!

Þá er komin vika síðan við komum heim frá Norðfirði. Enn er allt í rólegheitunum hér, drengurinn sefur bara, drekkur og kúkar! Allt eins og það á að vera

Venni er hjá pabba sínum og verður móðirin að viðurkenna það að það er frekar furðulegt að vera alltíeinu með hvítvoðung heima en ekki tæplega sex ára stuðbolta! Hlakka til að fá hann aftur heim...

Annars líða dagarnir bara í rólegheitum, er bara að dunda eitthvað heima fyrir, sinna Ragnari Sölva, taka á móti einstaka gestum, reyni að leggja mig 1x á dag og í raun bara að njóta þess að vera til. Á það ekki líka að vera svoleiðis?

Guðný Drífa kveður, nýtur þess að vera heima...

p.s. Ný síða! barnanet.is/ragnarsolvi